INPERNUKO ikuskizunaren hirugarren emanaldia izan zen Arrasatekoa eta beste behin, arrakastatsua. Aretoa ia bete egin zen eta aurrekoetan gertatu bezala publikoa gogotsu etorri zen; bukaeran sortu zen kadeneta amaigabea horren lekuko. Bertaratu ziren batzuk errepikatzen ari ziren, atera kontuak.
Andoainen bezala Larrabetzuko Bizkargi Danta Elkartekoak etorri ziren Erre Zenituzten dantzatzera, momentu magikoa izan zen Mikelek proiektatutako ilargia lagun. Eta emanaldi guztietan ikus ditzakegun Aukeran taldeko Edu Muruamendiaraz eta Uxue Urruzolaz zer esanik ez… a ze bi dantzari paregabe!
Hurrengo emanaldia Sopelan izango da urtarrilaren 26an.
Sarrerak: https://labur.eus/InpernukoSopela
Emanaldiko irudiak
Gaizka Peñafiel Dañobeitia 
iruzkin 1