Egun aberasgarriak izan dira azkeneko hauek eta momentuz datu gutxi eman ditzakedan arren, honatx laburpena.
Larunbatean Bardozen izan nintzen Paxkal Etxeparen estudioan Pello Reparaz, Joseba Razquin, Paxkal bera eta Combo Calada taldearekin. Grabaketa egun zoragarria izan zen eta aukera ederra argazkiak eta bideoak egiten ari nintzela ekoizpenaz gehiago ikasteko. Igande goizean Hernanin aritu nintzen laster kaleratuko den talde baten proiektu berrirako argazki sesioa egiten. Arratsaldean aldiz, Bilbon Combo Caladaren bideoklip grabaketan. TAOMek egingo du bideoklipa eta han ziren Pello, Joseba eta gonbidatu berezi bat ere.
Egunotako abentura amaitzeko asteartean Pellok Arbizun duen estudiora joan nintzen. Inguru ederra da Sakanako hau eta estudioa benetan modernoa eta gustuz prestatutakoa, edozein musikarik nahiko lukeena.
Laster argitaratuko da egun hauetan iruditan gordetakoa eta horrekin batera lan hauen xedea. Gozamen hutsa izan da. Bien bitartean horra bizitakoa islatzen duten argazki gutxi batzuk:
Eskerrik asko Pello, Joseba eta Paxkal nirekin kontatzeagatik
Gaizka Peñafiel Dañobeitia 